E servisio ekstensivo di oftomologia primeramente ta brinda kuido di wowo, inkluso maneho médiko i kirúrgiko pa tur tipo di kondishon di wowo i su strukturanan, tantu rutinario komo agudo. Nos evaluashonnan general ta skrin i trata un gran variashon di kondishonnan oftomólogo. Kòntròl anual rutinario di wowo i bista, preskripshon pa brel i referensia pa lèns tambe ta algun di e servisionan ku nos ta ofresé. Pashèntnan ku por rekerí kuido oftomólogo spesialisá hopi bia ta keda referí despues di evaluashon. E servisionan diagnóstiko ekstensivo ku e departamento aki ta brinda, ta inkluí evaluashon di bista, refrakshon, evaluashon spleetlamp, oftomoloscopia, tonometria, pakimetria, gonioskopia, fotografia di fondo e wowo i prueba visual.
Nos spesialistanan ta aktivamente enbolbí den avanse di oftomologia.
Tratamentu i Kondishonnan
- Wowo seku i blefaritis
- Problema relashoná ku lèns
- Úlsera na korneal herpes simpex i herpes zoster infekshon
- Pterygium
- Katarata
- Conjunctivitis alérgiko
- Conjunctivitis bakterial i viral
- Gloucoma
- Diabetis
- Degenerashon makular
- Trouma na wowo
- Eror refraktivo (miopia, hypermetropia i astigmatismo)
Spesialista Oftomólogo
Laura Varela - Oftomólogo
Laura Varela, M.D., ta un oftalmólogo general ku ta spesialisá riba tereno di oftalmologia pediatra i wowo skel. E ta fungi komo oftalmólogo general i ta kuida pashèntnan di tur edat den skrinen pa malesanan di wowo agudo i króniko i tambe den e manera ku nan ta manehá remedi, terapia di laser, tratamentunan intravitreo i sirugia. Tambe e ta brinda kuido spesialisá pa mucha for di beibi prematuro te ku edat eskolar, skrinen pa retinopatia di prematuro, malesanan refraktivo trempan, siguí pa desaroyo visual i apnormalidat di movementu okular. Dr. Varela ta adoptá e prinsipio ku kuido di wowo ta forma parti di e bienestar general di e komunidat i ku e pashèntnan mester keda atendé na un manera holístiko. E ta papia Spañó, Papiamentu i Ingles ku fluidez i por tene un konsulta médiko na Hulandes.
Michael Siban - Oftomólogo
Michael Siban, MD, ta un oftalmólogo general i ta trata mayoria enfermedat di wowo (manera por ehèmpel katarata, pterigión i otro malesa di e segmento anterior. Tambe e ta spesialisá den Gloukoma pa tantu adulto komo mucha. E ta miembro di e Asosiashon di Siruhanonan di Gloukoma den Karibe (Association of Caribbean Glaucoma Surgeons, ACGS), e Sosiedat Europeano di Gloukoma (European Glaucoma Society, EGS) i e Akademia Merikano di Oftalmologia. Di 2013 pa sèptèmber 2021 e tabata un oftalmólogo na Academisch Ziekenhuis na Paramaribo, despues di kua e la djòin e tim di CMC. For di sèptèmber 2018 e ta yuda komo oftalmólogo na St. Maarten Medical Center (SMMC).